2024 yil 12 oktabr kuni Toshkent shahrida Mobiuz’ning turli bo‘linmalari, shu jumladan, hududiy Xizmat ko‘rsatish markazlari xodimlari o‘rtasida stol tennisi bo‘yicha an’anaviy turnir bo‘lib o‘tdi.

Mobiuz kompaniyasi Kasaba uyushmasi qo‘mitasi tashabbusi bilan 80 dan ortiq xodimlar stol tennisi bo‘yicha o‘z mahoratlarini namoyish etish uchun yig‘ildi. Ularning sport ruhi, chidamliligi va mahorati barcha o‘yinlar davomida keskin va qiziqarli muhitni yaratdi.

Stol tennisi nafaqat hushyorlik va stressga chidamlilikni rivojlantiradi, balki salomatlikni ham mustahkamlaydi. Bu shunchaki o‘yin emas, balki ish uchun foydali ko‘nikmalarni rivojlantirish imkoniyati. Mobiuz kompaniyasida xodimlarning tushlik va ishdan bo‘sh vaqtlarida stol tennisi bilan faol shug‘ullanishi uchun barcha imkoniyatlar yaratilgan.

Xodimlar o‘rtasida o‘tkazilgan musobaqa nafaqat sport yutuqlari uchun minbar, balki jamoaviy ruh, hamkorlik va do‘stona munosabatlarni rivojlantirish maydoniga aylandi. Turnir tomoshabinlarga ko‘plab unutilmas lahzalarni taqdim etdi.

Erkaklar va ayollar o‘rtasidagi yakkalik bahslarida medallar o‘ynaldi. Go‘zal jins vakillari orasida quyidagilar g‘olib bo‘lishdi:

Birinchi o‘rin – Jamilya Samarxodjayeva, Marketing bo‘limi yetakchi mutaxassisi;

Ikkinchi o‘rin – Dilafruz Xusanova, Boshqaruvni hujjatlar bilan ta’minlash bo‘limi yetakchi mutaxassisi;

Uchinchi o‘rin – Adibaxon Shamsiyeva, Namangandagi Mobiuz xizmat ko‘rsatish markazi mutaxassisi.

Erkaklar o‘rtasida quyidagilar munosib g‘alabalarni qo‘lga kiritdi:

Birinchi o‘rin – Raim Avamilev, Transport bo‘limi boshlig‘i o‘rinbosari;

Ikkinchi o‘rin – Pavel Oreshkin, Billingni qo‘llab-quvvatlash bo‘limi boshlig‘i;

Uchinchi o‘rin – Vitaliy Li, Transport tarmog‘idan foydalanish bo‘limi eksperti.

G‘oliblar medallar va qimmatbaho sovg‘alar bilan, birinchi o‘rin sohiblari esa g‘alabaga intilish va jangovar ruhni ifodalovchi o‘tish kuboklari bilan taqdirlandilar.

Sport odamlarni birlashtiradi va quvonchga to‘ldiradi. Mobiuz kompaniyasida sport shu bilan birga birdamlik va ilhomning haqiqiy timsolidir.