Oltinko‘lda o‘quvchilarni kaltaklagan maktab direktori ishdan olindi
Andijon viloyatining Oltinko‘l tumanidagi 38-umumta’lim maktabi direktori ishdan olindi. Bu haqda Andijon MMTB xabar berdi.
Avvalroq ijtimoiy tarmoqlarda Oltinko‘l tumani «Qoraqalpoq» mahallasida joylashgan 38-umumta’lim maktab direktori maktab o‘quvchilarini kaltaklayotgani aks etgan video lavha tarqalgandi. Unda maktab direktori ikki nafar o‘quvchini darsni buzayotganlikda ayblab, bosh qismiga urgani ko‘rinadi.
Holatni o‘rgangan ishchi guruh maktab direktori o‘quvchilarga nisbatan pedagogik etika qoidalari doirasida munosabatda bo‘lmagan deb topdi. Direktor sinfda pirotexnika vositalaridan foydalangan o‘quvchilarning boshiga urgan, deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter