Amerikalik aktyor Vel Kilmer vafot etdi
Amerikalik taniqli aktyor Vel Kilmer 65 yoshida pnevmoniya asoratlaridan vafot etdi. Bu haqda New York Times gazetasi aktyorning qiziga asoslanib xabar berdi.
«Betmen bosh roli orqali mashhurlikka erishgan, serqirra iste’dodi va shaxsiy fazilatlari bilan yuqori darajali ikkinchi plandagi rollar ijrochisiga aylangan Gollivud aktyori Vel Kilmer seshanba kuni Los-Anjelesda vafot etdi. U 65 yoshda edi. Uning o‘limiga pnevmoniya sababchi bo‘ldi», — deyiladi xabarda.
Vel Kilmer «Betmen abadiy» (1995) filmida bosh rol (Betmen)ni ijro etgan. Shuningdek, «Zulmat zavoli» (1996), «Yorug‘ olam» (1999), «To‘qnashuv» (1995) va boshqa ko‘plab filmlardagi rollari bilan tanilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter