Шавкат Мирзиёев Озарбайжон ва Россия президентларига ҳамдардлик йўллади
Президент Шавкат Мирзиёев Озарбайжон президенти Илҳом Алиев ва Россия президенти Владимир Путинга Қозоғистоннинг Оқтоу шаҳри яқинида «Озарбайжон ҳаво йўллари»нинг йўловчи самолёти ҳалокатга учрагани оқибатида кўплаб одамлар қурбон бўлгани муносабати билан ҳамдардлик йўллади.
Ўзбекистон етакчиси барча жароҳат олганлар тез фурсатда соғайиб кетишларини тилади.
Эслатиб ўтамиз, бугун, 25 декабрь куни Azerbaijan Airlines компаниясига қарашли самолёт бортидаги 69 нафар йўловчиси ва 5 нафар экипаж аъзолари билан бирга Қозоғистон ҳудудида ҳалокатга учраган ва авиаҳалокатда 28 киши омон қолгани айтилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter