«Ўзкомназорат» ўзбекистонликларни мобил қурилмалар учун мўлжалланган бепул қувватлантириш станцияларидан фойдаланиш хавфидан огоҳлантирди.

«Саёҳат қилишни режалаштиряпсизми? Шубҳасиз, сизда мобил телефон ёки бошқа кўчма қурилма бор ва бир нуқтада уни қайта зарядлашингиз керак бўлади. Батареянгиз ўчиб қолган бўлса, шуни ёдда тутингки, электрон қурилмангизни аэропорт ва меҳмонхоналар қабулхонасидаги каби бепул USB-порт билан зарядлаш станцияларида қайта зарядлаш тескари натижа бериши мумкин», — дейилади хабарда.

Киберхавфсизлик бўйича экспертлар огоҳлантиришича, тажовузкорлар заряд олаётган пайтда электрон қурилмаларга зарарли дастурларни оммавий USB зарядлаш станцияларига юклашлари мумкин. Бузилган USB-порт орқали ўрнатилган зарарли дастур қурилмани қулфлаши ёки шахсий маълумот ва паролларни бевосита тажовузкорга экспорт қилиши мумкин. Жиноятчилар кейинчалик бу маълумотлардан онлайн ҳисобларга кириш учун фойдаланишлари ёки уни бошқа ҳужумчиларга сотишлари мумкин.

Баъзи ҳолларда жиноятчилар заряд станцияларига уланган кабелларни атайлаб ташлаб кетишган. Ҳатто инфекцияланган кабеллар реклама совға сифатида берилгани ҳақида хабарлар бор.

• Бу каби ҳолатларда қурбон бўлмасликка ёрдам берадиган баъзи маслаҳатлар:
• оммавий USB зарядлаш станциясидан фойдаланмаслик. Бунинг ўрнига ўзгарувчан ток розеткасини ишлатиш;
• саёҳатда автомобиль зарядловчи қурилмалари ва USB кабелларни олиб юриш;
• портатив зарядловчи ёки ташқи батареяни олиб юриш;
• ишончли етказиб берувчидан қувват олаётганда маълумотларни жўнатиш ёки қабул қилишдан сақлайдиган фақат зарядловчи кабелдан фойдаланиш;
• агар қурилма USB-портига уланганида «Маълумотларни алмашиш» ёки «Фақат зарядлаш»ни танлаш таклиф қилинса, ҳар доим «Фақат зарядлаш»ни танлаш.