«Навоий азот» лабораториясида портлаш содир бўлди: бир киши ҳалок бўлган
Бугун, 11 март куни соат 14:10 да Навоий вилоятида жойлашган «Навоий азот» АЖнинг 25-цехи лабораториясида газ-ҳаво аралашмасининг чақнаши ҳодисаси рўй берган. Натижада бинода ёнғин келиб чиққан.
Ҳудудий ФВБга келиб тушган хабарга кўра, ҳодиса жойига 10 та ёнғин-қутқарув экипажи етиб борган ва ёнғин бартараф этилган.
«Чақнаш оқибатида 1 нафар фуқаро ҳалок бўлган ва 11 нафар фуқаро тан-жароҳати олган. Ҳозирда жабрланганларга малакали тиббий ёрдам кўрсатилмоқда.
Ҳолат юзасидан терговга қадар суриштирув ишлари олиб бориляпти», – дейилади ФВВ хабарида.
Воқеа жойига вилоят ФВБ бошлиғи, ИИБ, ССБ, прокуратура ходимлари етиб борган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter