Франция клуби Аббосбек Файзуллаев учун 15 млн евро тўлашга тайёр – РБ Спорт
Ўзбекистон миллий жамоаси аъзоси Франция клубларининг бирида тўп суриши мумкин.
РБ Спорт хабарига кўра, Франциянинг «Монако» клуби ЦСКА ярим ҳимоячиси учун тахминан 15 миллион евро таклиф қилишга тайёр. Айни пайтда Москва клуби Файзуллаевни қишки трансфер ойнасида қўйиб юбормоқчи эмас.
Файзуллаевнинг ЦСКА билан шартномаси 2026 йилнинг июнигача амал қилади. Жорий мавсумда 21 ёшли ярим ҳимоячи Жаҳон РПЛда 15 та ўйин ўтказиб, 2 та гол ва 3 та голга ассистентлик қилди.
Эслатиб ўтамиз, ўзбекистонлик ҳимоячи Абдуқодир Ҳусанов Франциянинг «Ланс» клуби сафида тўп суради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter