Самарқанддан ҳавога кўтарилган Utair самолёти фавқулодда қайта қўндирилди
Бугун, 12 март куни тунда Самарқанд-Москва йўналиши бўйича UTA810 рейсини амалга ошираётган Россиянинг Utair авиакомпаниясига тегишли Boeing 737 (RA-73091) самолёти баландликка кўтарилаётганда чап двигателида носозлик (кучли силкиниш) кузатилган.
Экипаж кутиш ҳудудини сўраган ва двигателни текширишни бошлаган. Аммо улар кучланишни оширишга ҳаракат қилганда, двигателда яна бир силкиниш пайдо бўлган ва самолёт командири Самарқандга қайтишга қарор қилган.
Кутиш ҳудудида бир неча бор айлана ҳосил қилиб учган самолёт ортиқча қўниш оғирлиги билан хавфсиз қўндирилган. Парвоз маълумотларини таҳлил қилиш натижалари чап двигателнинг ишлаш параметрлари мақбул чегаралардан ошмаганини кўрсатган.
Айни пайтда мутахассислар носозлик сабабларини ўрганишмоқда.
Росавиация эса воқеа юзасидан текширув бошлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter