Жаҳон олтин кенгаши маълумотларига кўра, ўтган йилнинг деакбр ойида Хитой Халқ банки олтинга энг йирик харидор бўлган – 10 тонна. Ундан кейин Чехия Миллий банки ва Гана Банки ҳар бири 1 тоннадан соф харид қилди.

Қозоғистон (11 тонна), Сингапур (3 тонна) ва Иордания (1 тонна) Миллий банклари эса аксинча, ой давомида энг кўп олтин сотган давлатлар бўлган.

2024 йил мобайнида эса ялпи харидлар ва сотишлар 2023 йилнинг шу даврига нисбатан пастроқ кўрсаткични ташкил қилган.

Польша 2024 йилда энг йирик харидор бўлди (90 тонна)ю Ундан кейинги йирик харидлар Туркия (75 тонна) ва Ҳиндистон (73 тонна) Миллий банклари томонидан амалга оширилган.

Филиппин (30 тонна), Қозоғистон (10 тонна) ва Сингапур (10 тонна) Миллий банклари эса ўтган йилда энг кўп олтин сотган.

Маълумот учун, Жаҳон олтин кенгашининг мазкур ҳисоботида Ўзбекистон ва Гана Миллий банклари олтин харид қилиш бўйича Венгрия (20 тонна)дан кейинги ўринни банд қилиб, тахминан 10 тонна миқдорида қимматбаҳо металлга харидор бўлишган.