Nature Geoscience журналида эълон қилинган тадқиқотга кўра, кислороднинг йўқ бўлиб кетиши туфайли Ер миллиард йилдан кейин – (1 000 002 021 йилда) яшаш учун имконсиз бўлиб қолади. NASA ва Япониянинг Тохо университети олимлари шундай хулосага келишди. Ушбу маълумотнинг қанчалик тўғрилигини аниқлаш учун тадқиқотчилар 400 минг компьютер симуляциясини, яъни таққослашни ўтказдилар.

Олимларнинг фикрича, кислород апокалипсисининг сабаби Қуёшда содир бўладиган аномал жараёнлар бўлади. Тадқиқотчиларнинг фикрича, озон қатламининг бузилиши атмосферадаги кислороднинг аста-секин буғланишига олиб келади. Натижада, фақат микроорганизмлар, яъни яшаш учун кислородга муҳтож бўлмаган анаэроб бактериялар омон қолиши мумкин бўлади.

Шу билан бирга, олимлар олдиндан айтиб бўлмайдиган ҳалокатли ҳодисалар туфайли Ердаги ҳаёт анча эрта тугаши мумкинлигини истисно этмайди. Мутахассисларнинг фикрича, технологик тараққиёт бу таҳдидларнинг олдини олиш ёки юмшатишга ёрдам беради.

Аввалроқ Буюк Британиянинг Бристол университети олимлари суперкомпьютер ёрдамида Ер бор-йўғи 250 миллион йилдан сўнг бутунлай яшаш учун яроқсиз бўлиб қолади, деган хулосага келган эди. Уларнинг прогнозларига кўра, бунга сайёрадаги ҳароратнинг кескин ошишига ва барча тирик мавжудотларнинг нобуд бўлишига олиб келадиган глобал табиий офатлар сабаб бўлади.