АҚШ Конгресси Вакиллар палатасининг COVID-19 бўйича қўмитаси икки йиллик ўрганишлардан сўнг якуний ҳисоботини берди. Унга кўра, коронавируснинг ушбу тури Хитойдаги лабораторияда яратилган ва бу тажрибаларга АҚШ ҳам пул ажратган.

Ҳисоботдан асосий бандлар:

— Уханда вирусология институти бор, номи — WIV;

— У ерда айрим вируслар, жумладан, коронавируснинг функцияларини кучайтириш бўйича тадқиқотлар ўтказилган;

— Хитойликлар хавфсизлик техникасига унча риоя қилишмаган, бунинг оқибатида нулинчи беморга вирус юққан бўлиши мумкин;

— 2019 йилнинг кузида WIVнинг бир неча ходими симптомлари COVID-19ни эслатувчи қандайдир касалликка чалинган;

— АҚШ ҳам бунга дахлдор: грант тизимлари орқали Ухандаги вирусология институти (WIV)да ўтказилаётган тажрибаларни молиялаштириб келган. Бунинг жумласига кўршапалаклар коронавируси ва одамларнинг бу вирусни юқтириш эҳтимоли бўйича тадқиқотлар ҳам киради;

— Локдаунлар (карантинлар) вазиятни фақат ёмонлаштирди, бутун бошли авлод — ҳам инсоният, ҳам иқтисодиёт учун унинг оқибатлари даҳшатли бўлади.