Xitoy yangi vodorod bombasini sinovdan o‘tkazdi
Xitoy noyadroviy vodorod bombasini sinovdan muvaffaqiyatli o‘tkazdi. Bu haqda South China Morning Post o‘tgan oyda e’lon qilingan tadqiqotga asoslanib xabar berdi.
Ikki kiloli bomba harorati 1000℃ dan oshuvchi olovli sharni hosil qilgan. Gazeta yozishicha, bunday vodorod bombasi davomli termik zarar yetkazish xususiyatiga ega, chunki sinovda portlash effekti kuchi ikki soniyadan uzoqroq cho‘zilgan — bu trotil portlashi (0,12 soniya)dan 15 baravar uzunroq.
Xitoyliklar magniy gidridi orqali shu natijaga erishgani aytilmoqda. Biroq shuncha miqdordagi modda qayerdan paydo bo‘lganiga tadqiqotda aniqlik kiritilmagan, vaholanki, yaqin-yaqinlargacha bu moddani bir nechta laboratoriyada kuniga bir necha gramm tezlikda ishlab chiqarish mumkin edi.
Qolaversa, Xitoy armiyasi qanday vaziyatlarda bu qurolni qo‘llashi mumkinligi ham mavhumligicha qolmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter