Rossiya Ukraina bilan 30 kunlik otashkesim tarafdori. Bu haqda prezident Vladimir Putin gapirdi. 

Ammo savol bu muddatdan qanday foydalanishda, deya qo‘shimcha qildi Rossiya prezidenti. Shu bilan birga, u o‘t ochishni to‘xtatish rejimida Ukraina safarbarlik o‘tkazmasligi, mashg‘ulotlar o‘tkazmasligi va qurol-yarog‘ olmasligiga kafolat berishni istashini bildirdi. 

“Kursk viloyatida hamma narsa Rossiya Federatsiyasining to‘liq yong‘in nazorati ostida. Ukraina harbiylarining Kursk yaqinidagi qamaldan chiqib ketishi imkonsiz bo‘lib bormoqda”, dedi Vladimir Putin Belarus prezidenti Aleksandr Lukashenko bilan uchrashuvdan so‘ng o‘tkazilgan qo‘shma matbuot anjumanida. 

Rossiya prezidenti o‘t ochishni to‘xtatgan taqdirda nazorat va tekshirish masalalarini haligacha noaniq deb atadi. Uning fikricha, Ukrainadagi 2000 km uzunlikdagi o‘t ochishni to‘xtatish rejimining buzilishini aniqlash masalalari juda murakkab. 

 “O‘t ochishni to‘xtatish g‘oyasi to‘g‘ri, ammo muhokama qilinishi kerak bo‘lgan masalalar bor”, — dedi Vladimir Putin. 

U shuningdek, sulh g‘oyasini muhokama qilish uchun Trampga qo‘ng‘iroq qilishi mumkinligiga ishontirdi. 

Rossiya prezidenti yordamchisi Yuriy Ushakov “Izvestiya” gazetasiga bergan intervyusida Vladimir Putin AQSh prezidentining maxsus vakili Stiv Vitkoff bilan yopiq formatda uchrashishini aytdi.