O‘zbekiston hududida foydalanilayotgan, sotish yoki shaxsiy foydalanish uchun olib kiriladigan mobil qurilmalarni ro‘yxatga olish tartibini takomillashtish maqsadida Hukumatning ayrim qarorlariga o‘zgartirish va qo‘shimchalar kiritilyapti.

Ya’ni:

• jismoniy shaxslar tomonidan O‘zbekiston Davlat chegarasining aviatsiya o‘tkazish punktlari orqali bojxona to‘lovlari undirilmaydigan ayrim tovarlarni olib o‘tishning miqdor normalari belgilanadi;
• norezidentlarga tegishli mobil qurilmalar IMEI-kodlarining kulrang ro‘yxatda bo‘lish muddati 30 kalendar kunidan 60 kalendar kuniga uzaytiriladi;
• veb-sayt va mobil ilovalar orqali IMEI-kodlarini ro‘yxatga olish tartibi joriy etiladi;
• import qiluvchilar qurilmalarning bojxona tomonidan olib kirilayotgan rasmiylashtiruvi mobil tizimi takomillashtiriladi.

O‘z navbatida hujjat bilan Raqamli texnologiyalar vazirligiga manfaatdor vazirlik va idoralar bilan birgalikda o‘zlari qabul kilgan normativ-huquqiy hujjatlarni ikki oy muddatda ushbu qarorga muvofiqlashtirish vazifasi qo‘yilmoqda.

Mazkur qaror rasman e’lon qilingan kundan uch oy o‘tgach, ya’ni 2024-yil 26-yanvardan kuchga kiradi. 

Eslatib o‘tamiz, avvalroq jismoniy shaxslarga xorijdan o‘zi bilan olib kirgan ikkita mobil qurilmani bojxona to‘lovlarisiz ro‘yxatdan o‘tkazish imkoniyati berilayotgani haqida xabar berilgan edi.