Америка фазовий қурилмаси Ойга қўнди

Американинг Firefly Aerospace компаниясига қарашли Blue Ghost фазовий қурилмаси Ойга қўнди. Бу ҳақда NASA хабар берди.
Матбуот хизмати берган маълумотга кўра, Ойга қўниш бизнинг вақт билан 2 март соат 13:34 да амалга ошган. Ойнинг Ерга кўринадиган томонида, Инқирозлар денгизида (ҳудудда иқлимий шароит ўта беқарорлиги учун шундай номланган — таҳр.) жойлашган Латрейл тоғи яқинида ушбу модул икки ҳафта тинмай ишлайди.
Ойга қўнадиган ушбу модул 15 январ куни SpaceX компаниясининг Falcon 9 ракетаси ёрдамида учирилган эди. Фазовий модул бортида NASAга тегишли ўнта тадқиқот ускунаси бўлиб, улар Ой ҳақида маълумотлар тўплаб, келажакдаги парвозлар учун ҳозирлик кўришда ёрдам беради.
Falcon 9 ракетаси, шунингдек, японларнинг Ойга қўнувчи HAKUTO-R Mission 2 (Resilience) модулини ҳам фазога олиб чиққан, у апрел ойида сайёрамиз йўлдошига мини-роверни олиб боради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter