Бугун, 26 март куни Ўзбекистоннинг Сан-Маринога тайинланган биринчи элчиси Абат Файзуллаев Римда мазкур давлат раҳбарлари – Капитан-регентлар Франческа Чиверкя ва Далибор Риккардига ишонч ёрлиқларини топширди. Бу ҳақда «Дунё» АА маълум қилди.

Маросимда Сан-Марино ташқи ишлар вазири Лука Беккари сўзга чиқиб аккредитациядан ўтган элчини табриклади. Беккари нутқи давомида икки мамлакат ўртасидаги алоқаларни ривожлантиришга қаратилган саъй-ҳаракатларда, шунингдек, мамлакатдаги илк элчининг тайинланишида Ўзбекистон раҳбарининг ташаббусини юқори баҳолади.

Маълумот ўрнида, Ўзбекистон ва Сан-Марино ўртасидаги дипломатик муносабатлар 2021 йил 3 февралда ўрнатилган.

Сан-Маринодаги Ўзбекистоннинг биринчи элчиси Абат Файзуллаев 2023 йил ноябрь ойидан буён Ўзбекистоннинг Италиядаги элчиси ва Римдаги халқаро ташкилотлар (FAO, QXRXJ, BOOD) ҳузуридаги доимий вакили ҳамда 2024 йил декабрь ойидан бошлаб Ўзбекистоннинг Кипрдаги элчиси сифатида фаолият юритиб келмоқда.