Дунёдаги энг кекса горилла 68 ёшга тўлди
Берлин ҳайвонот боғида яшовчи дунёдаги кекса горилла 68 ёшга тўлди, дейилади Гиннесснинг рекордлар китоби берган хабарда. Фату лақабли ушбу урғочи маймуннинг туғилган куни расман — 1957 йилнинг 13 апрели.
Таъкидлаш керакки, Фату мансуб бўлган Африка ғарбий текислик гориллалари одатда 40 йилдан 50 йилгача умр кўради.
Кекса маймуннинг тишлари тўкилиб кетгани боис, қаровчилар унга бериладиган емаклар юмшоқ бўлишига эътибор беришади.
Берлин ҳайвонот боғи бош директори доктор Андреас Книриемнинг айтишича, Фату ўзининг хотиржам ва муносиб ҳаёт тарзи билан барчанинг қалбидан жой олган.
Фатуни Ғарбий Африкадан 1959 йилда француз денгизчиси олиб келган, сўнгра Марсел карвонсаройидаги қарзини узиш учун нақда пулга айирбошлаган. Ҳайвонлар савдоси билан шуғулланувчи франциялик аёл кейинроқ уни Берлин ҳайвонот боғига сотган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter