Texnik jihatdan tartibga solish nspeksiyasining Xorazm viloyati inspektorlari tomonidan «Shovot tuman tibbiyot birlashmasi»da davlat nazorati o‘tkazildi.

O‘tkazilgan davlat nazorati natijasida, Tibbiyot birlashmasida jami 271-dona o‘lchov vositalari metrologik tekshiruvdan o‘tmagan holda bemorlarga davolash va tashxis qo‘yishda tibbiy xizmat ko‘rsatib kelayotganligi aniqlandi.

Bu bilan, O‘zbekiston Respublikasi «Metrologiya to‘g‘risida»gi Qonunining 16-moddasi talabi buzilgan.

Bundan tashqari dori vositalarining saqlash sharoitlariga rioya qilinmagan. O‘zbekiston Respublikasi «Dori vositalarining xavfsizligi to‘g‘risida»gi umumiy texnik reglament UzTR.365-009:2016ning 6-bob talablari buzilgan.

Tekshiruv yakunida tibbiyot birlashmasi mas’ullariga ma’muriy chora ko‘rildi va 271 dona tibbiy uskunalardan va o‘lchash vositalaridan foydalanishni taqiqlash bo‘yicha ko‘rsatma chiqarildi.

Ma’lumot o‘rnida, o‘lchash vositasi — o‘lchashlar uchun foydalaniladigan va normalangan metrologik xususiyatlarga ega bo‘lgan texnika vosita hisoblanadi.