Мактабгача ва мактаб таълими вазирига биринчи ўринбосар тайинланди
Президент қарори билан Шерзод Каримов Мактабгача ва мактаб таълими вазирининг биринчи ўринбосари лавозимига тайинланди.
Шерзод Каримов 2006-2012 йилларда халқ таълими тизимида, 2012-2018 йилларда ўрта махсус, касб-ҳунар таълими тизимида ишлаган.
2018-2024 йилларда Вазирлар Маҳкамаси таълим, Ижтимоий ривожланиш масалалари департаменти, котибияти, бўлимида етакчи, бош мутахассис, шўъба мудири, котибият мудирининг ўринбосари лавозимларида ишлаган.
2024 йил 28 февралдан буён Ўзбекистон Республикаси Вазирлар Маҳкамаси “Маҳалла еттилиги”, ёшлар сиёсати ва маънавият масалалари департаменти Ёшлар сиёсати, мактабгача ва мактаб таълими, соғлиқни сақлаш ва маънавият масалалари бўлимининг бошлиғи лавозимида фаолият юритиб келаётган эди.
Эслатиб ўтамиз, Мактабгача ва мактаб таълими вазирининг аввалги биринчи ўринбосари Усмон Шарифхўжаев Ижтимоий ҳимоя агентлигига ишга ўтганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter