Тошкент марказидан Янги Тошкентга автобус қатнови йўлга қўйилди
2025 йил 28 мартдан янги 197-сонли автобус йўналиши очилади.
Бу борада Тошкент шаҳар транспорт ва йўл-транспорт инфратузилмасини ривожлантириш бош бошқармаси бошлиғининг тегишли буйруғи чиқарилган.
Мазкур автобус Махтумқули ва Янги Ўзбекистон йўли кўчалари орқали «Ўзбекистон меҳмонхонаси бекати - Янги Тошкент бекати» йўналишида ҳаракатланади.
Шунингдек, 190 ҳамда 137-сонли автобусларнинг ҳаракат йўналишларига ўзгартириш киритилади.
Яъни:
- 190-сонли автобус йўналиши
«Янгибозор АШБ - Машинасозлар метроси» йўналиши Янги Ўзбекистон кўчаси орқали Янги Тошкент бекатигача бир томонлама ҳаракат қилади. Кейин ўзининг аввалги йўналиши бўйлаб ҳаракатни давом эттиради.
- 137-сонли автобус йўналиши
Эндиликда Истиқбол маҳалласи бекатидан Паркент йўли кўчаси орқали Янги Тошкент бекатигача икки томонлама ҳаракат қилади.
«Истиқбол маҳалласи - Қўшқўрғон маҳалласи» йўналиши «Янги Тошкент бекати - Қўшқўрғон маҳалласи» деб номланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter