Европа дипломатлари Наврўз билан оригинал тарзда табриклади
Европа Иттифоқи давлатларининг Ўзбекистондаги элчилари Наврўз байрами муносабати билан мамлакатимиз халқига оригинал табрик йўллади.
Мусиқий-бадиий лавҳада Чехия, Германия, Франция, Италия, Латвия, Венгрия, Руминия, Словакия элчилари ҳамда Болгария ва Испаниянинг муваққат ишлар вакиллари шарқона янги йилга атаб ўзбекча шеър ўқиган.
ЕИнинг юртимиздаги элчиси Тойво Клаар эса шеърга жўр бўлиш билан бирга қўбиз чолғусини тарғиб этган.
Дипломатлар ижросидаги шеърда қуйидаги сатрлар бор:
Она ер тафтидан ғунча гул очар,
Гуллар қўшиқ куйлаб ҳидларин сочар,
Япроқ чапак чалгач, болари қочар,
Наврўз айёмингиз муборак бўлсин!
ЕИ дипломатларининг мезбон мамлакатга эҳтиром рамзи сифатида ўзбек тилида табрик йўллаши анъанага айланмоқда. Масалан, 21 октябрь – Ўзбек тили байрами куни муносабати билан ҳам ана шундай видеоқутлов йўлланган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter