Ўзбекистон ва Италия «The Samarkand Express» сайёҳлик поездини йўлга қўяди.

Бой тарихий мерос ва табиий гўзалликка эга бўлган Ўзбекистон ўтган йили Самарқандда бўлиб ўтган БМТ жаҳон туризм ташкилоти бош Ассамблеясининг 25-юбилей сессияси доирасида «The Samarkand Express»» сайёҳлик поэзди ишга туширилиши туфайли туризм салоҳиятини ривожлантиришда муҳим қадам ташлади.

Самарқанд экспрессининг ишга туширилиши Ўзбекистонда туризм учун янги имкониятлар очади ва ноёб билим тажрибасини излаётган хорижий саёҳатчиларни жалб қилади. Поезд нафақат транспорт воситаси, балки йўловчиларга қадимий ва замонавий Ўзбекистон тарихи, анъаналари ва турмуш тарзи билан танишиш имкониятини берувчи маданий алмашинув платформаси бўлади. Бундан ташқари, лойиҳа туризмда, кичик ва йирик бизнесда тегишли соҳаларда янги иш ўринлари яратиш орқали мамлакатимизнинг иқтисодий ривожланишига ҳисса қўшмоқда. Ушбу лойиҳа туризмни ривожлантиришда халқаро ҳамкорликнинг муҳимлигини ҳам таъкидлайди, шунингдек, Ўзбекистоннинг халқаро обрўсини оширишга, бутун дунёдан ВИП сайёҳлар эътиборини жалб қилишга ва унинг Марказий Осиёдаги энг қизиқарли туризм йўналишларидан бири сифатидаги мавқеини мустаҳкамлашга хизмат қилади.

«The Samarkand Express» – йўловчиларга мислсиз қулайликлар ва унутилмас саёҳат тажрибасини тақдим этадиган ҳашаматли поезддир. Йўловчилар кенг ва нафис купелар, гурме таомлари, биринчи даражали хизмат кўрсатиш ва Ўзбекистоннинг гўзал ландшафтларининг ҳайратланарли манзараларини тақдим этувчи панорамали ойналардан фойдаланишлари мумкин.